როგორ ავირჩიოთ ბინის სართული, დადებითი და უარყოფითი მხარე
პირველი სართული: დადებითი და უარყოფითი მხარეები
- ამ ვარიანტის უარყოფითი მხარე უმრავლესობისთვის მისი უსაფრთხოების საკითხია. პირველი სართულის არჩევისას აუცილებლად მოგიწევთ სიგნალიზაციის დაყენება, რაც საკმაოდ დიდ თანხებთანაა დაკავშირებული , ან ჟალუზების დაყენება, რაც მნიშვნელოვნად ცვლის სახლის ატმოსფეროს.
- ერთერთი უარყოფითი მხარეა მიწასთან სიახლოვე, რაც ნებისმიერ გამვლელს აძლევს საშუალებას ადვილად შეიხედოს თქვენი სახლის ფანჯრებში.
- სახლში ხშირად ვერ აღწევს მზის სხივები, ხეების, სათამაშო მოედნების ან სხვა ახლომდებარე სახლების მიზეზით.
- ფანჯრებიდან ლამაზი ხედი არ იშლება.
- ქუჩიდან ხმაური შემოდის. ახლოს არის სარდაფთან, საიდანაც ნესტის უსიამოვნო სუნი ამოდის.
თუ გავითვალისწინებთ ახალაშენებულ შენობას, რომელიც მაღალი ხარისხის მასალითაა აგებული, ამ მინუსების უმეტესობა გაქრება.
რაც შეეხება დადებით მხარეებს,
- ერთ_ერთი მათგანი ფასია. როგორც წესი დაბალი სართულების გასი 5-7% ით დაბალია მაღალ სართულებთან შედარებით.
- მოსახერხებელია ხანშიშესული და უნარშეზღუდული ადამიანებისთვჯს. თქვენ არ მოგიწევთ ლიფტით სარგებლობა და მისი მოვლის საფასურის გადახდა.
შუა სართულების დადებითი და უარყოფითი მხარეები
მესამედან მეცხრე სართულამდე ბინები საშუალოდ ითვლება. ამ ვარიანტს ზემოთ ნახსენები არცერთი უარყოფითი მხარე არ აქვს.
- ერთადერთი უარყოფითი მხარე ლიფტის შესაძლო გაფუჭებაა, რის გამოც ასვლა გაძნელდება.
- ამ სართულების ბინების გაყიდვა ბევრად ადვილია.
- ფანჯრებიდან უმეტესად ლამაზი ხედი იშლება, ქუჩიდანაც ნაკლები ხმაური შემოდის, მზის სხივებიც ბუნებრივად აღწევს ოთახებში. ასეთი ბინები საცხოვრებლად თითქმის იდეალურია.
მაღალ სართულები დადებითი და უარყოფითი მხარეები
ეს მოიცავს მეათე და მის ზემოთ არსებულ სართულებს.
- წინა უპირატესობებს ემატება კიდევ უფრო ნაკლები ქუჩის ხმაური და მეტი მზის სხივები. გარდა ამისა მაღალ სართულებზე მწერები ვერ აღწევენ.
მისი უარყოფითი მხარეა ღირებულებაა. მაღალი სართულები ხედის გამო როგორც წესი უფრო ძვირადღირებულია. გარდა ამისა მეტია ლიფტზე დამოკიდებულება. ევაკუაციისას მეტი დრო ჭირდება დაბლა ჩამოსვლას. ძველი აშენებული შენობის შემთხვევაში გასათვალისწინებელია სახურავის მდგომარეობა, რომ არ არსებობდეს წყლის გაჟონვის საშიშროება.